Pasojat e tmerrshme të tërmetit të 26 nëntorit kanë bërë që shumë banorë të shkojnë për strehim në Kosovë. Ishin të shumtë kosovarët të cilët përveç ndihmave financiare dhe në të mira materiale, ofruan edhe shtëpitë e tyre për strehim për banorët e prekur.
Mirëpo një lajm i gëzueshëm vjen në një nga familjet e strehuara atje. Mediat vendase bëjnë me dije se një nënë nga Durrësi e cila është strehuar në Prizren ka sjellë në jetë djalin e saj.
Manushaqe Hoda tregon situatën trishtuese që ka përjetuar nga lëkundjet e forta të tërmetit, e deri tek momenti i bekimit me lindjen e djalit.
“Nga tërmeti nga gjendja e keqe, jetuam në çadra dhe pastaj ra ky i dyti shumë i rëndë dhe u tronditëm familjarisht. Këtu jemi trajtuar shumë mirë, më mirë s’ka. Njerëz shumë të dashur, shumë të mirë, shumë të sjellshëm. Për çdo gjë pronto. Ma mirë nuk ka. Edhe në Shqipëria nuk do kisha kaq shumë… faleminderit për gjithçka”, tha gruaja.
