Ambasada e Shteteve të Bashkuara të Amerikës në Tiranë ka publikuar një video, e cila sipas tregon mënyrën se si do të funksionojë SPAK. Me anë të një mesazhi të shpërndarë në Facebook, citohet fakti se qeveria amerikane mbetet e përkushtuar në luftën ndaj korrupsionit dhe respektimin e sundimit të ligjit.
Ambasada trumbeton me të madhe se me tu ngritur SPAK, do të shënjestrojë korrupsionin e nivelit të lartë.
Mbështetja prej 2 milionë dollarësh po përdoret për të siguruar që SPAK të ngrihet dhe të funksionojë në mënyrë të pavarur.
Në video Ambasada jep mesazhin se tashmë po u vjen fundi të gjithë zyrtarëve të korruptuar dhe bosëve të krimit, që ishin të paprekshëm.
Njoftimi i Ambasadës
Qeveria e Shteteve të Bashkuara është e përkushtuar në luftën kundër korrupsionit dhe respektimin e sundimit të ligjit në mbarë botën. Lufta kundër korrupsionit është prioritet i punës së Ambasadës së Shteteve të Bashkuara në Tiranë. Këtë javë, mësoni se si Struktura e Posaçme Anti-Korrupsion dhe Krim i Organizuar, ose SPAK, do të funksionojë.
Me t’u ngritur, do të shënjestrojë korrupsionin e nivelit të lartë. Kjo video tregon se si mbështetja prej 2 milionë dollarësh nga Shtetet e Bashkuara po përdoret për të siguruar që SPAK do të ngrihet dhe do të funksionojë në mënyrë të pavarur.
