Diego Maradona, një nga figurat kryesore të futbollit, ndërroi jetë si pasojë e një arresti kardiak. Një video e cila po bën xhiron e rrjetit, mund të ndryshojë historinë, ndërsa është filmuar Maradona duke pirë dhe tymosur pak para operacionit në tru. Të tjera të dhëna tronditëse kanë dalë në dritë, pak ditë pasi familjarët dhe fansat shënjestruan infermieren dhe mjekun personal të Maradonës, për neglizhencë. Por këto prova mund të ndryshojnë tërë rrjedhën e ngjarjes.
Ish-ylli i Napolit mund të shihet në një gjendje të dehur, duke pirë duhan dhe me një shishe ilaçesh në tryezë, mesa duket disa ditë para se ai të operohej për një mpiksje gjaku në tru në La Plata.
Diego Maradona shoqërohet nga Mariano Castro, një mik i ngushtë me të cilin ishte me të gjatë rehabilitimit të tij në një klinikë në Kubë vite më parë. Në një moment në video, Maradona fillon të këndojë “Ohhhh …. Ne do të kthehemi, do të kthehemi, Marcos Paz do të kthehemi …”, së bashku me Castro.
Kjo video është publikuar nga transmetuesi argjentinas, Canal 9, i cili pretendon se ngjarja kishte ndodhur vetëm tri ditë para se shëndeti i Maradonës të përkeqësohej, dhe ai të dërgohej në spital për t’u operuar në tru.
