Detaje të reja janë zbardhur nga atentati në Tiranë, pranë ish-Ekspozitës. Mësohet se babai ka vrarë ish-dhëndrin Nexhip Picari, për çështje divorci, teksa e ka pësuar dhe avokati Adriatik Cama. Kudret Saliaj është qëlluar me 8 plumba, nga vjehrri Mexhit Picari. Në trup e kanë kapur 5 plumba.
Viktima ishte në proces divorci me bashkëshorten, dhe ndodhej pranë gjykatës duke konsumuar një kafe me avokatin Adriatik Cama, i cili po ashtu ka mbetur i plagosur. Nuk dihet nëse plumbat e kanë kapur rastësisht Camën. Avokati Camaj mësohet se ndodhet në spital, jashtë rrezikut për jetën.
Njoftimi zyrtar nga policia
Tiranë/Informacion paraprak
Rreth orës 11:50, në bulevardin “Gjergj Fishta” dyshohet se shtetasi M. P. ka vrarë me armë zjarri shtetasin K. S. ( ish-bashkëshortin e vajzës) dhe si pasojë e të shtënave është plagosur dhe shtetasi A. C., i cili ndodhet jashtë rrezikut për jetën.
Shërbimet e Policisë vijojnë krehjen e zonës për kapjen e autorit të dyshuar, shtetasi M. P.
Janë ngritur pika kontrolli në hyrje dhe dalje të qytetit të Tiranës. Grupi hetimor, në bashkëpunim me Prokurorinë, po punon për sqarimin e rrethanave të ngjarjes.
Kush është Adriatik Cama?
Adriatik Cama, ish-Prokurori i Tiranës, i shkarkuar nga Vettingu, ka qenë pjesë e disa dosjeve, si ajo e 21 janarit, Mark Frrokut dhe disa çështjeve të tjera hetimore. Cama e nisi karrierën e tij në Tepelenë ku mbante postin zv-drejtues Prokurorie, por për një çështje të përfunduar jo ashtu siç pritej, ai u shkarkua nga detyra duke marr gradën e një oficeri të thjeshtë, për t’u transferuar më pas në Has. Sot, Cama është me profesion avokat, ku ka marrë në mbrojtje policin Nevaldo Hajdaraj, i cili në 8 dhjetor vrau të riun Klodian Rasha. Aktualisht ai është në spital, jashtë rrezikut për jetën, ku do i nënshtrohet një ndërhyrje kirurgjikale.
