E diel, 22 Maj, 2022
20.5 C
Tirana

VIDEO/Lila: Futbollistët pa sigurime shoqërore, marrin kredi për një operacion

Andi Lila foli në “Refleksione”, në ABC, për angazhimin e tij në drejtim të nënshkrimit të kontratave ku futbollistëve t’u paguhen sigurimet shoqërore dhe shëndetësore. Ai tha se ecurinë sipas standardeve e ka arritur vetëm ekipi kombëtar, ndërkohë që shumë klube duhet të përmirësojnë kushtet e funksionimit të jetës së futbollistëve.

“Ka futbollistë që luajnë prej 20 vitesh, dhe janë pa sigurime shoqërore. Por kur këta futbollistë lënë karrierën për shkak të dëmtimeve, që ndodhin jo rrallë, nuk ka kush t’i mbrojë, e aq më pak t’i paguajë kostot e operacionit, dhe ata rrezikojnë të dalin në rrugë”, tha Lila, duke kujtuar se jo të gjithë ata që lënë futbollin apo shkëputen prej tij, për shkak të dëmtimeve, mund të bëhen trajnerë apo specialistë futbolli.

Lila ngriti alarmin për të rregulluar futbollin e moshave, dhe kërkoi që terrenet sportive të mos zaptohen për interesa të tjera. “Sportistët e rinj nuk kanë terrene sportive ku të stërviten. Fatkeqësisht shumë terrene sportive janë shndërruar në pallate shumëkatëshe. Stërvitja në fusha sintetike apo private është një kosto e lartë për ta dhe për familjet e tyre”, tha Lila.

Ai bëri thirrje që shteti të bëjë gjithçka që sportistët të jenë të siguruar me sigurime shoqërore dhe shëndetësore. Sipas tij, futbolli nuk është vetëm një lojë, por është një aktivitet që argëton dhe tërheq shumë njerëz, ndaj të qenurit të pasiguruar jep një shembull negativ jo vetëm për ata që duan ta ndjekin, por edhe për biznese të tjera që paguajnë.

Lila u bëri thirrje futbollistëve që në bashkëpunim me klubet dhe federatat përkatëse, të kërkojnë sigurimin shëndetësor, për t’i paraprirë fatkeqësive të ndryshme që ndodhin në këtë fushë. “Sporti, e sidomos futbolli, është një lojë dëmtimesh, ndaj duhet ta parashikojmë pasojën e dëmtimeve.

Nuk ka nevojë të shpikim rrotën, por thjesht të ndjekim rregullat që kanë ndjekur shumë vende si ne”, tha Lila, duke kujtuar historinë e një ish-futbollisti të Lushnjes që u fut në kredi për të operuar dëmtimin në gju, në Kroaci, e që nuk arriti as të rikthehej në fushën e blertë.

“Me kredinë që mori ky futbollist, vuri në rrezik tre breza, pasi vuri në garanci shtëpinë e prindërve, ndërkohë që futi në një situatë të rrezikshme ekonomike edhe veten dhe fëmijët e tij”, tha Lila./ Abcnews.al

- Reklama -

Më shumë nga kategoria




Të fundit

Avokatja e Johnny Depp bëhet personazh në internet

Miliona shikues anembanë globit po ndjekin betejën ligjore midis Johnny Depp dhe Amber Heard, dhe ndërsa drama shpaloset, një yll i ri ka dalë...

Lija e majmunit: Koha për t’u shqetësuar apo për ta injoruar?

Deri më tani, lija e majmunëve ishte mjaft e parashikueshme. Shtëpia natyrore e virusit janë kafshët e egra, të cilat në fakt mendohet se...

Anthony Albanese fiton zgjedhjet, zgjidhet kryeministri i Australisë

Anthony Albanese do të bëhet kryeministri i parë i vendit, nga një prejardhje jo anglo-keltike. Një nga politikanët më jetëgjatë të Australisë, ai thotë se...

A u dekonspirua operacioni i SPAK? Gledis Nano paralajmëron goditjet e radhës

Drejtori i Policisë së Shtetit, Gledis Nano, ka konfirmuar se operacioni i SPAK është ende në proces. Teksa është pyetur nëse operacioni "Plumbi i...

Rusia ndalon furnizimin me gaz në Finlandë

Rusia ka konfirmuar mëngjesin e sotëm se ka ndaluar furnizimin me gaz për Finlandën, përshkallëzimi i fundit i një mosmarrëveshjeje për pagesat e energjisë...