Kryeministri Edi Rama ka shpërndarë në profilin e tij në “Facebook” një informacion për të gjithë drejtuesit e mjeteve lidhur me automjetin që ata duan të blejnë a disponojnë.
Prëmes një postimi, Rama njofton se çdo të dhënë për automjetin e tyre mund ta verifikojnë online në faqen zyrtare të Drejtorisë së Përgjithshme të Shërbimeve të Transportit Rrugor.
Me anë të targës dhe shasisë mund të zbuloni historikun e makinës, kushtet dhe aksidentet që mund të ketë shkaktuar. Ndërkohë, nëse doni të blini një makinë që është pa targa, mund të zbuloni edhe legjitimitetin e saj.
“Ju kanë mashtruar për kilometrazhin e makinës? Ju kanë fshehur historikun e automjetit që doni të blini? Deshironi të blini një automjet të përdorur nga importi dhe nuk dini kategorinë mjedisore? Nuk jeni i bindur mbi prejardhjen e mjetit, defektet ne prodhim, aksidenteët e pësuara, legjitimitetin e mjetit? Tani ke mundësi që të verifikosh ti vete online çdo të dhënë me shasi/targë. Burime zyrtare e referime të homologëve të DPSHTRR. Për çdo markë e model e nga çdo vend origjine. Mos bli gabim. Stop Spkelulantëve Demasko Trukimet “.
https://www.facebook.com/edirama.al/videos/1649660698499993/?t=0
