Koronavirusi vdekjeprurës nuk duket të ketë të ndalur, teksa deri më tani janë shënuar rreth 500 viktima dhe më shumë se 24 mijë të infektuar.
Ai po përhapet me ritme të shpejta, ndërsa në vetëm 24 orët e fundit janë shënuar 4 mijë raste të reja. Mediat e huaja bëjnë me dije se 771 të infektuar janë në gjendje kritike për jetën.
Në mesin e këtyre të fundit janë edhe çifti në videon e mëposhtme, të cilët i kanë dhënë lamtumirën për herë të fundit njëri-tjetrit.
https://www.youtube.com/watch?time_continue=2&v=S0HFkm0haTU&feature=emb_title
Videoja e publikuar në rrjetet sociale ka prekur shumë njerëz në gjithë botën. Kjo video është ripostuar në Twitter edhe nga zëdhënësi i Ambasadës Kineze në Panama, Jiang Wei.
“Dy pacientë të moshuar me koronavirus 80 vjeç thanë lamtumirë në ICU, kjo mund të ishte hera e fundit për t’u takuar dhe përshëndetur”, shkroi ai.
