Në përfundim të fjalës së kryetarit të Partisë Demokratike, Lulzim Basha para protestuesve, disa të rinj, të cilët e kishin mbuluar fytyrën me maska, sulmuan Kryeministrinë.
Në video ata shikohen duke hedhur kapsolla dhe tymuese në drejtim të godinës. Ndërkohë, qytetarët pjesëmarrës në protestë kanë shoqëruar fjalën e Bashës me thirrjet “Rama ik”, si dhe me dritat e telefonit ndezur.
Përveç flamujve partiak, në protestë nuk mungonte as flamuri i BE-së dhe ai amerikan.
Kujtojmë se opozita ka kërkuar leje që protesta të zhvillohet deri në orën 23:59, por kjo kërkesë nuk u pranua nga Policia, duke lejuar që të protestonin vetëm dy orë.
