Kryeministri Edi Rama kërkon që t’i bëhet Vettingu. Duke iu përgjigjur Lulzim Bashës, kreu i qeverisë hodhi dorashkën për të gjithë politikanët. Rama e nisi nga vetja, por kërcënoi edhe opozitën.
Sipas tij, Vettingu nuk mund të bëhet vetëm për të dhe familjen e tij, por duhet edhe për familjen Meta, familjen Basha, Berisha e me radhë.
Rama tha se pranon që të bëhet Vetting ndaj tij dhe familjes së tij, gruas, fëmijëve apo baxhanakut. “Unë them që çdo instrument, i ri i mundshëm që bën transparencë, për mua për gruan time, për tokat e gruas time, për pallatin e gruas time, për tenderët e baxhanakut tim, për kunatin, për fëmijët e mi, është një instrument që mund të na vlejë.”
“Unë, presidenti, kryetari i opozitës, kunati i kryetarit të opozitës, gruaja e kryetarit të opozitës, vjehrri, vjehrra ime. Kryeministrat e mëparshëm, fëmijët e tyre, ku udhëtojnë, çfarë shpenzojnë, sa rrinë jashtë shtetit sa në Shqipëri, cilët bamirës ja u japin këto para? Jam gati. Gjithë çështja është që të mos jetë e lidhur, me reformën në drejtësi. Ai Vettingu tjetër do vazhdojë, këtë Vettingun që i ka lindur në zemër Lulit, jam gati, ta fillojmë nga unë personalisht”
