Qeveria ka rikthyer kufizimet si pasojë e shpërthimit të koronavirusit. Ministrja e Shëndetësisë, Ogerta Manastirliu njoftoi mbylljen e diskove, klubeve të natës dhe lounge bareve.
Pas shifrave në rritje të të infektuarve, ministrja Manastirliu ka përcjellë sot vendimet më të fundit, ku në fuqi janë edhe gjobat. Mosrespektimi i këtij detyrimi nga subjektet, dënohet me gjobë 3 000 000 lekë dhe me pezullim të aktivitetit për një periudhë një vjeçare.
Po kështu ndalohet muzika pas orës 20:00 në të gjithë mjediset e shërbimeve të çfarëdolloji. Mosrespektimi i këtij detyrimi dënohet me gjobë 1 000 000 lekë dhe në rast përsëritje, me pezullim te aktivitetit për një periudhë gjashtë mujore.
Kjo masë vjen si pasojë e rritjes së numrit të të infektuarve, dhe moszbatimit të protokolleve të sigurisë nga ana e këtyre lloj biznesesh.
Njoftimi
? Me vendimin e Qeverisë, nga sot hyn në fuqi Akti Normativ i cili:
– Ndalon hapjen e klubeve të natës, diskove, lounge bareve dhe çdo lloj shërbimi të kësaj natyre në mjedis të mbyllur apo të hapur, përveç restoranteve. Mosrespektimi i këtij detyrimi nga subjektet, dënohet me gjobë 3 000 000 lekë dhe me pezullim të aktivitetit për një periudhë një vjeçare.
– Ndalon muzikën pas orës 20:00 në të gjithë mjediset e shërbimeve të çfarëdolloji. Mosrespektimi i këtij detyrimi nga subjektet, dënohet me gjobë 1 000 000 lekë dhe në rast përsëritje, me pezullim te aktivitetit për një periudhë gjashtë mujore.
?Ministrja Manastirliu: Prioriteti ynë Nr.1 është mbrojtja e jetës së qytetarëve. Me vetëm këtë prioritet në mendje, do të marrim të gjitha masat e nevojshme.
