Në një komunikim me mediat, ministrja Ogerta Manastirliu përcolli vendimin më të fundit të Komitetit të Ekspertëve, për një fashë të re orari që do nisë të aplikohet në datën 24 dhjetor.
Po kështu, ajo njoftoi se ky vendim prek edhe aktivitetin e bareve dhe restoranteve nga ora 20:30-06:00 nga data 24 dhjetor deri me 4 janar.
Nga data 5 janar, do rikthehet kufizimi në orën 22:00-06:00 që kemi aktualisht në fuqi. Manastirliu apeloi të shmangen udhëtimet dhe aktivitetet jo thelbësore.
“Kufizime nga ora 20 e 30 deri në 06:00, duke nisur nga data 24 dhjetor deri në 4 janar. Kufizimi i aktiviteteve të bareve dhe restoranteve fastfood dhe bareve, duke filluar nga ora 20:30 deri në 06:00 të mëngjesit”, u shpreh ministrja.
Përjashtim bëjnë emergjencat shëndetësore, apo lëvizjet për arsye pune, ku qytetarët do të pajisen me autorizim përmes portalit e-Albania.
