Greqia ka shtyrë sërish afatin e mbylljes së kufijve me Shqipërinë. Deri më datën 31 korrik, në territorin grek nuk do të lejohen të hyjnë turistë nga Shqipëria, Maqedonia e Veriut, Serbia, Turqia, etj. Vendimi në fjalë është marrë pas shifrave në rritje të të infektuave me COVID-19 në këto vende.
Nga dita e djeshme, kufijtë grekë janë hapur edhe për shtetasit britanikë. Sakaq, situata në Shqipëri vijon të jetë e rëndë.
Gjatë 24 orëve të fundit janë kryer 425 testime për të dyshuar të prekur me COVID-19, nga të cilat janë konfirmuar 99 raste pozitive.
Situata paraqitet serioze në Spitalin Infektiv, ku në 24 orët e fundit ka humbur jetën një 44 vjeçare nga Tirana, prej 10 ditësh e intubuar dhe pa sëmundje bashkëshoqëruese, perveç obezitetit. Nuk e kanë fituar betejën edhe dy qytetarë, një 64 vjeçar nga Tirana dhe një 65 vjeçare nga Vlora me sëmundje bashkëshoqëruese.
