Një krim makabër ka ndodhur në Shkodër, ku vëllai ka vrarë të motrën. Fabian Vukaj, 55-vjeç, ka vrarë me armë zjarri motrën e tij Diana Vukaj, 58-vjeçe, në Shkodër.
Viktima jetonte në Gjermani dhe sa herë që vinte, kishte konflikte me të vëllanë. Fabian Vukaj ishte një person që konsumonte vazhdimisht alkool, dhe dyshohet se kur e ka vrarë të motrën, ka qenë nën efektin e alkoolit.
Viktima dyshohet se është vrarë rreth 3 ditë më parë, dhe autori është prangosur nga policia.
Detajet e para nga ana e policisë
Njoftimi i policisë:
Rreth orës 22:30, në lagjen “Ndoc Mazi”, Shkodër, në banese është gjetur e pa shenja jete shtetasja D. V. 58 vjeçe. Nga veprimet e para hetimore dyshohet se është vrarë me armë zjarri nga vellai i saj shtetasi F. V., 55 vjeç, i cili është shoqëruar në ambientet e Komisariatit të Policisë Shkodër për veprime të mëtejshme. Grupi hetimor, nën drejtimin e Prokurorisë po vijon punën për sqarimin e plotë të rrethanave të ngjarjes.
Sipas fqinjëve, viktima kthehej herë pas here në Shkodër dhe kishte konflikte me të vëllanë.
Shefi i Komisariatit Shkodër, Paulin Çupi tha se: “Autori i dyshuar është në kushte depresioni. Duhet ta sqarojmë ngjarjen”.
