Vendet evropiane si Franca, Gjermania dhe Britania u shprehën të dielën se ishin të preokupuar nga përshkallëzimi i tensioneve në rajonin e Gjirit Persik, si dhe nga prishja e mundshme e marrëveshjes bërthamore të 2015-ës me Iranin.
Në një deklaratë të përbashkët ata kanë bërë thirrje për dialog mes palëve, duke shprehur shqetësimin se marrëveshja e nënshkruar katër vjet më parë mund të shembet, pas sanksioneve të ripërtërishme nga Shtetet e Bashkuara mbi Iranin dhe vendimin e Iranit për të mos i respektuar disa prej këtyre.
“Rreziqet janë të tilla që është e nevojshme që të gjithë palët e interesuara të ndalojnë dhe të marrin në konsideratë pasojat e mundshme të veprimeve të tyre. Ne besojmë se ka ardhur koha për të vepruar me përgjegjësi dhe për të kërkuar mënyra për të ndaluar eskalimin e tensionit dhe për të rifilluar dialogun”, thanë në deklaratën e përbashkët të lëshuar nga zyra e presidentit francez.
