Ditën e djeshme u luajt ndeshja Senegal-Tunizi në kuadër të kualifikimit për në finalen e Kupës së Afrikës. Ishte Senegali ai që u kualifikua në finalen e këtij kompeticioni, pasi mposhti në gjysmëfinale Tunizinë me rezultatin 1-0.
Gjatë 90 minutave u shpërdoruan dy penallti, një për secilën skuadër dhe ekipet e mbyllën në barazim pa gola kohën e rregullt. U desh koha shtesë për të mësuar finalisten e parë të kompeticionit afrikan.
Në minutën e 100 të ndeshjes, lojtari i Tunizisë Dylan Bronn shënoi një autogol duke e çuar kështu skuadrën kundërshtare drejt finales. Finalja e madhe e Kupës së Afrikës do të luhet të premten në ora 21:00, ku Senegali do të presë fituesin e ndeshjes Algjeri-Nigeri.