Vëllezërit e Klodian Rashës janë shprehur pas vizitës së Ramës, se vrasja ishte me dashje dhe se pensionin që ia akorduar shteti kanë vendosur që ta japin për bamirësi.
Rama vizitoi për herë të tretë familjen Rasha në kryeqytet. Pas përfundimit të vizitës, kryeministri Rama nuk pranoi që të fliste për gazetarët, në lidhje më motivet e vizitës së tij.
‘ABC News’ raporton se vëllezërit e të ndjerit kanë deklaruar se nuk kanë nevojë për pension. Ata kanë thënë se “për dy ditë do ta marrin vesh nga prokuroria që nuk është vrasje aksidentale, por vrasje me dashje”.
Qeveria i ka akorduar si pension 60.8 mijë lekë të reja në muaj familjes së Klodian Rashës. Në vendim thuhet se pas vrasjes që cilësohet si aksidentale, qeveria ka vendosur t’i japë trajtim financiar sa 8-fishi i pensionit social (që është 7.6 mijë lekë në muaj) familjes së të riut.
