Erion Veliaj e tha fare qartë sot në “Opinion” se pavarësisht dëshirës së opozitës, zgjedhjet vendore do të zhvillohen. Veliaj tha se opozita prej dy vitesh e gjysmë nuk janë të pranishëm në Këshillin Bashkiak, dhe mbi të gjitha paguhen. Kjo, për të, përkthehet në një lloj falimenti, para se të bojkotonin Kuvendin.
Si e komentoni bojkotin e opozitës?
“Unë kam dy vite e gjysmë, nuk i kam në Këshill Bashkiak. Nuk kanë ardhur për ndihmën ekonomike, për banesat sociale, etj. Ata marrin rrogën për këtë gjë. Dëshmon një lloj falimenti moral të opozitës që ka nisur përpara se të bojkotonte parlamentin”.
A do të kandidoni edhe nëse opozita nuk merr pjesë në zgjedhje?
“Unë nuk kandidoj për të marrë pëlqimin e opozitës, nëse opozita nuk vjen është turpi i tyre, nëse vazhdoj bëj punën është në nderin tim. Mbas betimit tim në 30 korrik, skadon mandati im.
Unë kam një kohë, 3 orë, që vetëm firmos shkresa. Nga ujësjellësi, varrezat, qumështi në kopshte, rrjeti i kanalizimeve, etj. Menaxheri i qytetit është njësoj si kryetari i Bashkisë, në momentin që nuk bën punën e tij, qyteti nuk funksionon”.
