Dy shqiptarë që filmonin banesat në Itali kanë bërë bujë në rrjet, pas publikimit të videos në vendin tonë. Dy persona i pyesnin shqiptarët se përse filmojnë dhe nëse është e nevojshme të thërrasin dikë për kontroll. Por përgjigja e shqiptarëve, ishte se ata thjesht e pëlqejnë shumë Italinë dhe se banesa ishte mjaft e bukur.
Pas përbuzjeve, talljeve dhe akuzave në rrjet se synimi i tyre ishte që të grabisnin banesa, ka reaguar njëri prej personave të filmuar.
Besmir Cuci nga Durrësi, me anë të një komenti në rrjetet sociale thotë se shqiptarët vdesin për dallavere, por shpjegon se në fakt ai bën një punë të ndershme, si dhe publikon foto ku shfaqet duke punuar në ndërtim.
“Flm për të gjithë shqiptarët se e shoh se sa të dashur jemi si komb sa kurrë s’e kemi dashur njëri-tjetrin, unë jam personi në fjalë dhe kjo video u bë nga një pipino që mendoi se jemi hajduta ndërsa ne s’e dimë ca ore vimë në shpi nga puna flm për të gjithë ata patriotë që shajnë se ne shqiptarët vdesim për dallavere ktë punë bëj këtu në Itali të ndershme dhe të pastër flm të gjithëve”, shkruan ai.
Me anë të një kërkimi në profilin e shqiptarit në Facebook, vihen re foto të shumta të tij në skelat e banesave dhe në vendin e punës.
Denonco ne TT