Kryesore

Gënjeu në formularin e dekriminalizimit, deputeti më i ri rrezikon mandatin


               Publikuar në : 16:40 - 19/05/19 A.F

Kreu i Partisë së Bashikimit Popullor të Pensionistëve të Shqipërisë, Selami Jenisheri u betuar këtë javë në Parlament, por ai mund ta humbasë mandatin e tij.

Kjo pasi Jenisheri ka gënjyer në formularin e dekriminalizimit, duke fshehur një dënim me 8 muaj burg nga gjykata e Shkodrës në vitin 2001 për akuzën e mashtrim, vendim të cilin e ka apeluar në gjykatën e lartë dhe kjo e fundit ka lënë në fuqi dënimin.

Në formularin e dekriminalizimit, Jenisheri thotë se nuk ka qenë në asnjë rast i dënuar si brenda dhe jashtë Shqipërisë. Tashmë topi i kalon seksionit të dekriminalizimit në prokurorinë e përgjithshme dhe më pas komisionit qendror të zgjedhjeve. Kreu i partisë së pensionistëve shqiptarë, Selami Jenisheri me shumë mundësi do të jetë deputeti që qëndroi më pak në sallën e parlamentit.

Ai vjen nga lista e PD-së në qarkun e Shkodrës. Jenisheri është një ndër deputetët më të ri të parlamentit të Shqipërisë, por dhe më i vjetri në moshë.

Pak kohë më parë, ai kërkoi nga kryedemokrati Basha që t’i rikonstruktonte godinën e partisë së tij, pasi në rast të kundër do të pranonte të merrte mandatin, siç edhe bëri.

Kthehu
WhatsApp Denonco ne TT