Ministri Blendi Klosi ka bërë dje një deklaratë qesharake, që ka trazuar rrjetin. Sipas tij, valët e muzikës ndikojnë në shpërndarjen e koronavirusit.
Kjo e dhënë, e cila nuk përkrahet nga specialistët e fushës, ka bërë që rrjeti të shpërthejë në të qeshura dhe në meme.
Ministri i Turizmit, Blendi Klosi, ka dhënë një shpjegim të çuditshëm që ka shkaktuar mjaft reagime në rrjetet sociale, për vendimin e ndalimit të muzikës pas orës 20:00 në lokale dhe për mos hapjen e klubeve të natës.
Ai habiti të gjithë kur tha se “valët e muzikës përçojnë virusin”, madje sipas tij “sa më e lartë të jetë kënga, aq më shumë përhapet Covid-19”.
