Ministrja e Shëndetësisë dhe Mbrojtjes Sociale, Ogerta Manastirliu ka bërë me dije se vaksinimi kundër koronavirusit +18, po ecën me ritme shumë të mira në të gjithë vendin.
Ajo u shpreh se stafet mjekësore do të jenë në shërbim deri në orën 20:00 në qendrat e vaksinimit. Sipas Manastirliut, deri më tani janë bërë mbi 25 mijë aplikime në e-Albania.
Ndër të tjera, Manastirliu tha se vaksinimi po kryhet në Tiranë, Shkodër, Fier, Durrës, Korçë, Mallakastër, Pukë, Bulqizë, Kukës.
”Vaksinimi i hapur +18 vjeç po ecën me ritme shumë të mira në të gjithë vendin, teksa stafet mjekësore do të jenë në shërbim deri në orën 20:00 në qendrat e vaksinimit. Deri tani janë mbi 25 mijë aplikime në e-Albania. Vaksinimi në Tiranë, Shkodër, Fier, Durrës, Korçë, Mallakastër, Pukë, Bulqizë, Kukës.”, shkruan Manastirliu në rrjetin social, Facebook.
