Italia ka regjistruar sot një rënie të numrit të viktimave të shkaktuara nga koronavirusi, në krahasim me një ditë më parë.
Gjatë 24 orëve të fundit, në Itali janë regjistruar vetëm 7 viktima, në krahasim me 21 që u regjistruan dje. Kështu shkon në 34,861 numri total i personave që kanë humbur jetën nga koronavirusi në vendin fqinj.
Një rënie është evidentuar edhe në numrin e rasteve të reja, teksa në 24 orët e fundit janë regjistruar 192 raste. Deri më tani Italia ka regjistruar më shumë se 241 mijë raste me COVID-19.
Më shumë se 14 mijë raste me koronavirus janë ende aktive në shtetin fqinj.
