Forcat e kërkim-shpëtimit në Indonezi, kanë gjetur pjesë të avionit i cili humbi kontaktet me kullën e kontrollit pak minuta pas nisjes nga kryeqyteti Xhakarta.
Mbetjet janë gjetur në zonën ku humbi gjurmët, gjë që konfirmon rrëzimin e tij. Banorët e ‘Thousand Island’, vendit ku është zhdukur avioni, thanë se kishin dëgjuar dy shpërthime përpara se të gjenin sende në det.
Mësohet se në bord kishte rreth 50 pasagjerë, teksa kapaciteti i plotë i avionit ishte për 130 persona sipas BBC.
Breaking News ⚠️
Sources confirms the crash of the plane…and the rescue team find parts of the plane.#SJ182 pic.twitter.com/Nq0Va6FSeZ
— Aviation For Aviators (@Aviaforaviators) January 9, 2021
Sriwijaya Air u ngrit nga kryeqyteti indonezian ditën e sotme dhe po drejtohej për në Pontianak, në provincën Kalimantan Perëndimore, kur humbi kontaktet.
Uebfaqja për ndjekjen e fluturimit Flightradar24.com, tha se avioni kishte humbur më shumë se 3,000 m në lartësi në më pak se një minutë.
Ndërkohë, kompania e fluturimeve ”Sriwijaya Air”, tha se ishte ende duke mbledhur informacion në lidhje me ngjarjen e rëndë, para se të lëshojë një deklaratë zyrtare.
