Presidenti i Republikës, Ilir Meta ka përkujtuar tragjedinë e 9 janarit të vitit 2004, ku 28 shqiptarë humbën jetën në ujërat e detit Jon, në përpjekje për të shkuar drejt Italisë.
Meta shprehet se duhet bërë gjithçka që tragjedi të tilla të mos përsëriten.
Sipas tij, të rinjve u duhet dhënë mundësia për ta ndërtuar të ardhmen e sigurtë në atdheun e tyre.
”Mendimet dhe lutjet e mia janë sot për familjarët e viktimave të pafajshme të tragjedisë së 9 janarit 2004, të cilët humbën jetën në përpjekje për të gjetur një ardhme më të mirë. Të bëjmë gjithçka për të mos lejuar më të tilla tragjedi, që të përsëriten, duke u krijuar të gjitha mundësitë, në veçanti të rinjve, për të ndërtuar të ardhmen e sigurtë në Atdheun e tyre!’’, shkruan Meta në rrjetin social, Facebook.