Futbollisti Patrice Evra, ka folur rreth debutimit të tij në Manchester United, teksa ka rrëfyer një situatë të pazakontë që i ka ndodhur në atë kohë.
Në një prononcim për “Sky Sport”, ai tha se vetëm pak para ndeshjes ishte sëmurur si pasojë e atyre çfarë kishte ngrënë, por që nuk e kishte vënë në dijeni trajnerin Sir Alex Ferguson.
Futbollisti u shpreh se nuk mund t’i thoshte trajnerit pasi kishte frikë se ai do të mendonte se nuk ishte zgjedhja e duhur.
“Kur luajta ndeshjen time të parë me Manchester United, hëngra disa fasule dhe makarona para ndeshjes dhe u sëmura në dhomën time. Unë do t’i thoja Sir Alex Ferguson ‘shiko, nuk jam i gatshëm për të luajtur’, por u frikësova, sepse do të mendonte: Ai nuk qenka njeriu i duhur, që të luajë në derbi. Unë startova titullar, por u zëvendësova mbas 45 minutash. Mbaj mend që Ferguson më tha: ‘Tani ulu në stol, shikoje dhe mësojë futbollin anglez’. Ishte një kohë e vështirë. Edhe agjenti im tha se kemi bërë gabim të madh që firmosëm për Manchester United. Por, kam qenë me të vërtetë i fortë mendërisht dhe provova se të gjithë kishin gabuar për mua. Jam me të vërtetë krenar që e bëra atë”, tha Evra.
