Aktualitet

U asfiksuan në gjumë/ Nëna dhe 2 fëmijët humbin jetën, vajza e vogël në spital


               Publikuar në : 14:17 - 14/02/20 B H

Dalin në dritë detaje të reja nga helmimi i familjes në Bulqizë nga rrjedhja e bombolës së gazit.

Ngjarja është regjistruar në familjen Tola në Ostren të Bulqizës, teksa nëna dhe dy fëmijët e saj kanë mbetur të vdekur.

Rajmonda, bashkë me dy fëmijët, Rudinën dhe Fajtonin kanë humbur jetën si pasojë e rrjedhjes së gazit në banesë. Ndërsa vajza e vogël 14 vjeçe, Merita ndodhet në spital në gjendje të rëndë.

Dyshohet se ata janë asfiksuar gjatë natës në gjumë, ndërsa ata janë gjetur vetëm mëngjesin e ditës së sotme. BalkanWeb bën me dije se ishte kunata e Rajmondës ajo e cila zbuloi tragjedinë.

Kur kjo e fundit shkoi t’u hidhte bagëtive për të ngrënë rreth orës 11:30, trokiti në derën e familjes dhe askush nuk iu përgjigj. Pas tentativave për të hapur derën, ajo njoftoi fqinjët e saj, të cilët hynë brenda me forcë.

Nëna me 3 fëmijët jetonin të vetëm, pasi burri ishte emigrant në Greqi.


Kthehu
WhatsApp Denonco ne TT
Këtë e pëlqejnë %d blogues: