“Fundjavë Ndryshe” ka kaluar kufijtë, e ndërsa jehona e Fondacionit ka prekur zemrat e gjermanëve. Televizioni më i madh në Gjermani “Das Erste”, ka publikuar një fragment prekës, duke demostruar kështu rrugëtimin bamirës të vullnetarëve me në krye themeluesin e “Fundjavë Ndryshe”, Arbër Hajdarin. Dokumentari i plotë do shfaqet në “Arte.tv” në 20 tetor.
Ja se çfarë ka shkruar autori Dirk Schraeder, në lidhje me këtë mision fisnik që ka ndërmarrë “Fundjavë Ndryshe”, duke trokitur në dyert e familjeve në varfëri të tejskajshme, e duke u kthyer buzëqeshjen e mohuar.
Klikoni këtu:
https://www.daserste.de/information/politik-weltgeschehen/europamagazin/videos/albanien-junge-menschen-helfen-den-armen-video-100.html
“E veja Idvana dhe tre vajzat e saj ishin refuzuar nga familja e burrit të ndjerë. Ato tanimë jetojnë pa ngrohje, pa frigorifer, asgjë për të ngrënë. Një rast ky që e ka ndihmuar “Fundjavë Ndryshe”.
‘Ne e kemi parë këtë varfëri gjatë gjithë jetës sonë’, thotë drejtuesi i Fondacionit Fundjavë Ndryshe, Arbër Hajdari, ‘por sidoqoftë e kemi injoruar’.
Pesë vite më parë ai themeloi Fondacionin “Fundjavë Ndryshe”. 12 mijë vullnetarë punojnë aty tanimë. Prej një kohe të gjatë, ata ndihmojnë çdo ditë të javës. Abri dhe vullnetarët kanë nxjerrë nga varfëria qindra famije shqiptare”.
Të gjithë kemi nevojë për ndihmën e njëri-tjetrit, dhe në çdo kohë gjen vend shprehja: Bamirësia nuk të varfëron!
