Në hyrjen nr.4 të Portit të Durrësit dyshohet të ketë pasur rrjedhje gazi. Tre punonjës sigurie në port janë helmuar dhe kanë përfunduar në spital.
Policia bën me dije se te Ura e Daljanit, rojet kanë paraqitur probleme shëndetësore për shkak të ajrit të rënduar. Pas këtij momenti ata janë transportuar me urgjencë në spital për të marrë ndihmën e nevojshme mjekësore.
Në vendin e ngjarjes ka shkruar policia, Inspektorë të Mjedisit, ekspertë dhe përfaqësues të prefekturës.
Informacion paraprak
Më datë 17.08.2017, rreth orës 10:50, pranë hyrjes Nr.4 të Portit, 3 punonjës të sigurisë nuk janë ndier mirë.
Nga veprimet e para hetimore dyshohet nëse ka patur rrjedhje gazi gjatë furnizimit të një karburanti, I cili ndodhet në afërsi të hyrjes Nr.4.
Punonjësit që nuk janë ndier mirë janë shtetasit me iniciale B.H. 53 vjeç, F.D. 20 vjeç dhe S.H. 37 vjeç, të cilët ndodhen në Spitalin Rajonal Durrës jashtë rrezikut për jetën.
Nga ana e ekspertëve po kontrollohet dhe verifikohet i gjithë territori përreth.
Aktualisht në vend ndodhen uniformat blu dhe ekspertë të fushës, të cilët po punojnë për sqarimin e plotë të rrethanave të ngjarjes.
