Tre deputetë kanë konfirmuar se janë infektuar me koronavirus.
Bëhet fjalë për deputetët, Ralf Gjonin, Elio Hysko dhe Enver Roshin, ndërsa më herët konfirmoi se ishte infektuar me COVID-19 dhe kryebashkiaku i Tiranës, Erion Veliaj.
Pas infektimit të deputetëve, Kuvendi i Shqipërisë ka marrë masa.
Raportohet se Kuvendi nuk do të pezullojë seancat plenare, por ka vendosur të shkurtojë afatin kohor të diskutimeve.
Gjithashtu, ka nisur menjëherë dezinfektimi i ambienteve të Kuvendit për të parandaluar përhapjen e COVID-19.
