Prej ditësh është përfolur në mediat italiane se trajneri i kombëtares kuqezi mund të braktisë pankinën e kombëtares shqiptare për atë të ekipit të Napolit.
I menjëhershëm ka qenë reagimi i trajnerit Edi Reja. Ai ka theksuar se nuk do të largohet nga drejtimi i kombëtares shqiptare. Edhe pse nuk ka asnjë kontratë të nënshkruar, ai ka vënë në dukje që nuk ka nevojë për dokumente. Ai ka një pakt “xhentëlmenësh” me presidentin e Federatës Armando Duka.
Dorëhiqet gjyqtarja që firmosi arrestimin e ish-ministrit të PS
“Në Napoli unë kthehem gjithmonë. Sepse më presin shumë gjëra të bukura, kam shumë miq, madje kam raporte të mira me Presidentin, qyteti më pëlqen shumë. Është e vërtetë që takimi i sotëm, ka të bëjë me rinovimin, por ne nuk kemi nevojë për letra dhe shkrime. Kemi folur praktikisht, sepse akordin është gjetur prej kohësh. Sot, jam së bashku me kolegët e mi të kombëtareve të moshave për të folur me Presidentin Duka dhe për të dëgjuar nëse ai është i kënaqur nga ne apo jo. Kam darkuar me të dhe besoj se ai do bëjë gjërat e mira dhe konkrete”, shprehet Reja.
