Një fëmijë 10 vjeç me inicialet J.J, nuk ia ka dalë dot mbanë me betejën me koronavirusin. Fëmija ishte transportuar në Greqi, ku po merrte trajtim për virusin, por nuk ka arritur të shpëtojë.
I mituri nga Elbasani, mësohet se kishte sëmundje bashkëshoqëruese, që ia kanë komplikuar gjendjen shëndetësore. Djali ka humbur jetën në një spital në Athinë.
Ky është rasti i dytë në Shqipëri, që Covidi i merr jetën fëmijëve të mitur. Pak kohë më parë, në Pediatrinë e kryeqytetit humbi jetën një foshnje 16-muajshe, për shkak të koronavirusit.
