E shtunë, 23 Janar, 2021
10 C
Tirana

Halabakët e politikës dhe lëvizja “Stresiste” në Shqipëri

Nga: Mentor Kikia

Në pamundësi, apo në mungesë të dëshirës, për tu thelluar mbi shkaqet e revoltës së të rinjve, qeveria dhe mbështetësit e saj e konsiderojnë këtë një vepër të opozitës. Kjo i intereson politikisht, por sepse edhe opozita ka yshtur drutë në këtë zjarr. Në dukje është e njëjti skenar si më 21 Janar.

Kam lexuar shqetësime të shumë qytetarëve mbi aktet e dhunës dhe shkatërrimit, dhe i bashkohem këtij shqetësimi.

Por, personalisht nuk dua të mjaftohem me përcaktimin e dhunës si “vepër e bathoristëve të Bashës, Metës dhe Berishës”. Sepse e vërteta nuk është plotësisht kjo. E vërteta është se kjo valë dhune nuk ka thjesht frymëzim politik, ajo buron nga shkaqe të thella ekonomike dhe sociale.

Këto tri dekada poskomuniste, u ndërtuan dy Shqipëri. Shqipëria e Gjirit të Lalëzit, Shqipëria e Rolling Hills, Shqipëria e Vjenës dhe Londrës. Shqipëria e politikanëve, Shqipëria e prokurorëve dhe gjykatësve të korruptuar, Shqipëria e oligarkëve që u bënë një me politikën.

Ata u pasuruan duke vjedhur taksat e qytetarëve dhe paratë e xhepave të tyre. U pasuruan duke grabitur pasuritë e këtij vendi. Ata e ndanë Shqipërinë si kaçakët plaçkën e grabitur.

Ata që i quajtën kokëpalarë “grupin e zjarrit” në 21 Janar, dhe ata që i quajnë halabakë të dhunshmit e Dhjetorit 2020, fëmijët e tyre nuk i kanë në Shqipëri. I shkollojnë në Vjenë, Nju Jork e Londër, në kolegjet më të mirë të botës, e të më shtrenjtët për pasojë. Këta edhe fëmijët i lindin jashtë, edhe kur u dhëmb barku shkojnë jashtë, sepse këtu e shkatërruan edhe shkollën edhe shëndetësinë.

Ndërsa Shqipëria tjetër është ajo e shumicës së shqiptarëve. Shqipëria ku politika shkel kur ka zgjedhje, i premton, i mashtron, i josh me një vend pune, me një trastë ushqime, i merr votën, madje edhe i përdor si mish për top kur i duhen. Shqipëria tjetër është ajo e bujqëve që punojnë e s’kanë ku shesin prodhimet, e naftëtarëve që punojnë e s’marrin pagat, e minatorëve dhe fasonerive, ku punojnë njerëzit më të keqpaguar në Evropë.

Vrasja e një të riu nga policia ishte sebeti i shpërthimit të zemërimit dhe dhunës të një gjenerate të pashpresë deri në palcë. Në ditën e parë, protestuesit “zgjodhën” ti prijë Stresi. U zhgënjyen shumë shqiptarë, nga ata të kafeneve dhe facebook-ut? Po pse u habitet? Cili intelektual shkoi? Dhe, mbi të gjitha, nuk e dini ju që Stresi dhe soji i tij janë idhujt e gjeneratës së re? Nuk e dini që ata ua dinë këngët të gjitha? Madje edhe ky fakt është tregues i krizës së madhe të shoqërisë sonë.

Padyshim që lëvizja “Stresiste” është një lëvizje e dhunshme. Por sërish unë mendoj se njerëzit më të rrezikshëm për këtë vend nuk janë këta, por ata që janë në selitë e partive dhe metastazat e tyre në çdo sektor. Ata që kanë krijuar ato dy Shqipëritë.

- Reklama -

Më shumë nga kategoria




Të fundit

E trishtë/ Ndërron jetë në moshën 35-vjeçare ish-sulmuesi

Ish-sulmuesi xhamajkan, Luton Shelton ka ndërruar jetë në moshën 35-vjeçare, për shkak të një sëmundje. Shelton ishte diagnostikuar në vitin 2018 me sëmundjen “ALS”, e...

Berlini përgatitet për konsultime me administratën Biden

Lehtësimi i jashtëzakonshëm u shpreh në Gjermani që kur Joe Bideni i fitoi zgjedhjet presidenciale. Kurse të mërkurën (20.01.), kancelarja Angela Merkel i shkroi...

Samsung u ngrit si një dyqan që shiste perime, dhe kuriozitete që nuk i dinit

Sistemi ligjor i Japonisë ka një normë dënimi prej 99 për qind. Peshkimi mbetet profesioni i dytë më i rrezikshëm i Shteteve të Bashkuara, pas...

Analisti: Basha do ketë Tiranën, ja kush do jetë drejtuesi i PD në Gjirokastër

Partia Demokratike ka emëruar drejtuesit politik në pjesën më të madhe të qarqeve, ndërkohë që janë ende për t’u zbuluar se cilët do të...

A do jetë sërish kandidat për deputet? Ja si përgjigjet Ervin Salianji

Ervin Salianji është shprehur se ekziston mundësia që ai të jetë kandidat për deputet në listën e Partisë Demokratike. I ftuar në “Zonë e lirë”,...