E martë, 26 Janar, 2021
9 C
Tirana

“Tirana do digjet nëse nuk dorëhiqet Ardi Veliu”, Rama zbulon vendimin e fundit

Pas paralajmërimeve se do të digjet Tirana, nëse nuk dorëhiqet Drejtori i Përgjithshëm i Policisë së Shtetit, Ardi Veliu, një reagim është përcjellë nga ana e kryeministrit Rama.

Kreu i qeverisë i drejtohet të gjithë atyre protestuesve, të cilët thanë se do ketë zjarr nëse Veliu nuk lë postin. Shkurt dhe qartë, Rama u drejtohet kritikëve që ta harrojnë këtë tezë! Madje Rama jep edhe një mesazh me nënkuptim për largimin e Sandër Lleshajt. Në fund u kujton qytetarëve se ky shtet është i qytetarëve, jo i barbarëve. Dhe se pushteti merret me votë, jo me djegie.

“Ne nuk do të lejojmë askënd që të rrënojë çka është ndërtuar me mund e me punë të madhe dhe Policia e Shtetit është një nga shembujt e ndryshimit, që vazhdon me mundin e shumë njerëzve çdo ditë! Shantazhet dhe dhuna ndaj policisë nuk kanë lidhje as me lirinë as me demokracinë!

Policia e Shtetit as do merret dot peng, as do lëkundet dot nga politika e vjetër e dhunës e nga dhunuesit e nxitur prej saj! Policia e Shtetit nuk është një polic që vrau e që sot është në duart e drejtësisë dhe kush nuk do të respektojë ligjin do përballet me forcën e ligjit!

Kërkojnë dorëheqjen e Drejtorit të Përgjithshëm të Policisë se ndryshe do djegin e shkatërrojnë? Ta harrojnë! Gabon shumë kush kujton se qytetaria e ministrit të brendshëm është dobësi dhe harron se ky shtet është i qytetarëve jo i barbarëve! Pushteti merret me votë jo me djegie!”, shkruan Rama.

Reperi Arkimed Lushaj, i shpallur në kërkim pas protestës së të mërkurës, i ka bërë një paralajmërim Ardi Veliut. Stresi i kërkon Veliut dorëheqje deri të dielën, ose do të digjet Tirana.

 

 

 

- Reklama -

Më shumë nga kategoria




Të fundit

I doli emri tek përgjimet, Ilir Kulla i çon mesazh gazetarit live në emision

Ilir Kulla, këshilltari i presidentit Ilir Meta, ka reaguar pas publikimit të emrit të tij në përgjimet e Ndraghetës në Itali. Gjatë emisionit “Opinion”, Kulla...

Gazetarja Lala: Antonio Gallo ka hyrë dhe ka dalë me dhjetëra herë në Shqipëri

Gazetarja Klodiana Lala, ka dhënë detaje të tjera në lidhje me përgjimet e antimafias italiane, ku flitej për politikanë shqiptarë të lidhur me Ndrangheta-n. Ajo...

Përgjimet/ Lubonja: Deklaratë e poshtër e ambasadorit italian, bashkëfajtor

Analisti Fatos Lubonja, e ka cilësuar të poshtër deklaratën e ambasadorit italian, Fabrizio Buçi, i cili reagoi në lidhje me përgjigjet e Antimafias italiane...

Kreshnik Spahiu: Ndragheta nuk hyn tek ne sepse ka frikë nga mafia shqiptare

Juristi i njohur, Kreshnik Spahiu ka dhënë një ide tjetër lidhur me përgjimet e antimafias për lidhjet e Ndrangheta-s me mafien shqiptare. Sipas tij, Ndrangheta...

Aksident në Vlorë, humb jetën punonjësi i policisë (Emri)

Një aksident i rëndë nga ndodhur në qytetin e Vlorës, ku për pasojë ka humbur jetën një punonjë i policisë. Në aksident janë përfshirë dy...