“Kjo që më ndodhi mua, të mos i ndodhë askujt”, gjykata lë në burg efektivin

Efektivi i “Shqiponjave”, Nevaldo Hajdaraj, i cili qëlloi për vdekje me armë zjarri 25-vjeçarin Klodian Rasha, ka dalë sot para Gjykatës së Tiranës, ku u njoh me masën e sigurisë.

Gjykata vendosi masën e sigurisë “arrest me burg”. Efektivi është shfaqur i penduar në gjykatë, ndërsa është shprehur se “kjo që më ndodhi mua, të mos i ndodhë askujt”.

Gjatë seancës, gjyqtarja ka deklaruar se efektivi ka kërkuar edhe praninë e familjarëve të viktimës në seancë, në mënyrë që të kërkonte ndjesë publikisht.

Ngjarja e rëndë ndodhi tri ditë më parë në Laprakë, kur efektivi qëlloi dy herë me armën e shërbimit të riun, pasi nuk pranoi të ndalonte kur i bëri thirrje. Klodian Rasha u qëllua në kokë dhe në shpinë, sipas ekspertizës paraprake, dhe ka ndërruar jetë në vendngjarje.