Një ngjarje e rëndë ka ndodhur mëngjesin e sotëm në Astir, ku një grua së bashku me të birin janë hedhur nga kati i tretë i një pallati, pasi apartamenti i tyre ishte përfshirë nga flakët. Policia, në raportimin paraprak njofton se flakët e zjarrit kanë rënë rreth orës 05:55, në zonën e Astirit në kryeqytet.
Shtetasja me inicialet H. O, rreth 62 vjeçe dhe djali i saj K. O, 36 vjeç, në pamundësi për të dalë jashtë gjatë kohës së zjarrit, janë hedhur nga lartësia ( dritarja)
Për pasojë ka ndërruar jetë 62-vjeçarja, ndërsa djali i së ndjerës ndodhet në spital, nën kujdesin e mjekëve.
Njoftimi
Rreth orës 05:55, në Astir, ka rënë zjarr në katin e 3-të një pallati. Dyshohet se në pamundësi për të dalë jashtë gjatë kohës së zjarrit janë hedhur nga lartësia( dritarja) shtetasja H. O, rreth 62 vjeçe dhe djali i saj K. O, 36 vjeç.
Si pasojë ka ndërruar jetë shtetasja H. O, ndërsa shtetasi K. O, ndodhet në spital, nën kujdesin e mjekëve. Grupi hetimor vijon punën për sqarimin e plotë të rrethanave të ngjarjes.
