E diel, 24 Tetor, 2021
11.5 C
Tirana

Trafikantët ekzekutojnë efektivin e policisë në krye të detyrës

Në tentativë për të goditur trafikantët e drogës, një oficer policie humbi jetën sot nga të shtënat me armë zjarri. Oficeri i krimeve Saimir Hoxha, 45 vjeç, u vra gjatë kohës që ishte në krye të detyrës, gjatë një operacioni në Vain të Lezhës për parcelat e drogës.

Një grup efektivësh të anti-drogës në Policinë e Lezhës, po kontrollonin gjatë orëve të para të mëngjesit në zonën e Vainit, kur janë sulmuar me breshëri armësh zjarri nga trafikantët. Për pasojë ka mbetur i vdekur oficeri i krimeve, Saimir Hoxha, 45-vjeç, trupi i të cilit është gjetur nga kolegët e tij në një kanal të zonës.

45-vjeçari mendohet se ai është qëlluar nga një distancë e afërt, duke humbur jetën. Polici i vrarë dyshohet se kishte informacione se brenda lagunës Kune-Vain, kishte kultivim të parcelave me kanabis. Uniformat blu kanë identifikuar autorin e ngajrjes, si Aldo Rama dhe është në kërkim të tij.

Për kapjen e tij në ndihmë të policisë lokale janë nisur forcat speciale RENEA, grupe të FNSH-së dhe një grup i posaçëm hetimor nga Drejtoria e Përgjithshme e Policisë së Shtetit. Oficeri i vrarë, Saimir Hoxha është babai i dy fëmijëve të mitur, dhe ka një karrierë relativisht të gjatë në Policinë e Shtetit.

(Autori i krimit)

Lezhë/Informacion paraprak

Rreth orës 10:30, në Ishull Lezhë, në rrethana ende të paqarta është qëlluar me armë zjarri në drejtim të grupit të kontrollit të territorit për parandalimin e kultivimit të bimëve narkotike.

Si pasojë është plagosur me armë zjarri oficeri i Krimeve në Komisariatin e Policisë Lezhë shtetasi S. H., 44 vjeç, i cili për pasojë të plagëve të marra ka ndërruar jetë gjatë rrugës për në spitalin Rajonal Lezhë.

Shërbimet e Policisë kanë rrethuar zonën me qëllim kapjen e autorit.

Në ndihmë të Policisë lokale janë nisur forcat speciale Renea, grupe të FNSH-së dhe një grup i posaçëm hetimor nga Drejtoria e Përgjithshme e Policisë së Shtetit për të bërë të mundur zbardhjen e plotë të rrethanave të ngjarjes, identifikimin dhe kapjen e autorëve.

- Reklama -

Më shumë nga kategoria




Të fundit

Çfarë PD-je mund të sjellë Foltorja?

Nga: Ergys Mërtiri Mbështetësit e z. Berisha pretendojnë se Foltorja po sjell debatin dhe reflektimin që i ka munguar PD-së duke i kontribuar hapjes dhe...

Sherr mes afganëve në Shëngjin, 26-vjeçarja plagos bashkëjetuesin 

Një grua afgane ka qëlluar me thikë bashkëjetuesin e saj me kombësi afgane, mesditën e sotme në ambientet ku janë akomoduar në Shëngjin. 26-vjeçarja...

Serbia ndalon boksierët nga Kosova, Shqipëria braktis botërorin

Ekipi i boksit të Kosovës nuk është lejuar të hyjë në Serbi, për të marrë pjesë në Kampionatin Botëror të boksit që mbahet në...

Futbollisti torturohet dhe grabitet në prani të partneres

Një yll i Premier Ligës është sulmuar nga banditë të maskuar në shtëpinë e tij, të cilët e kanë lidhur dhe torturuar para se...

Basha: Zotit mund t’i kem hyrë në hak, por jo Berishës!

Kryedemokrati Basha është treguar i hapur për mediat, ndërsa ka komentuar vendimin e tij për të përjashtuar Sali Berishën. Ai tha se nuk i...