Botuesi Carlo Bollino, teksa ka qenë i ftuar në emisionin “Open” në “Top Channel, është shprehur se kryeministri Rama mund të propozojë Jozefina Topallin për Presidente të Republikës, nëse Ilir Meta jep dorëheqjen.
Duke komentuar deklaratën e fortë të Ilir Metës, se “për të zgjidhur krizën mund të dorëhiqem apo mund të vras veten, si Salvador Allende për të ndaluar instalimin e një junte në Shqipëri”, Bollino u shpreh se junta është Prokuroria. Sipas tij, ky paralajmërim për dorëheqje shqetëson ndërkombëtarët, por aspak shqiptarët.
“Junta është Prokuroria. Jo rastësisht, Meta e ka përmendur paralajmërimin që kanë thënë ndërkombëtarët para dy vitesh, që situata mund të vijë në gjendjen aktuale. Paralajmërimi për dorëheqje është kërcënim që shqetëson ndërkombëtarët, por jo shqiptarët, pasi Kuvendi ka 94 deputetë. Qeveria mund të zgjedhë President të ri totalisht legjitim. Mund të zgjidhet Jozefina Topalli nga opozita si presidente për 24 orë, pasi Rama po e mendon si emër”, tha më tej ai.
