E enjte, 5 Gusht, 2021
21.5 C
Tirana

Tmerri në Kamëz/Ky është babai i 4 fëmijëve që u vra, i plagosën gruan (Foto)

Ngjarja e rëndë e ndodhur në qytetin e Kamzës, ku humbi jetën pronari i një marketi dhe u plagos bashkëshortja e tij, gjatë një tentative për grabitje që u bë ndaj biznesit të tyre.

Viktima është Agim Buci, 53 vjeç, ndërsa e plagosura është Merita Buci, 44 vjeçe.  Ata kërkuan nga i zoti i dyqanit që t’u jepte paratë, por u përballën me kundërshtinë e Agim Bucit. Grabitësit reaguan duke hapur zjarr mbi të dhe bashkëshorten e tij 44-vjeçare, Merita Buci.

Të dy mbetën fillimisht të plagosur dhe u nisën me urgjencë drejt Spitalit të Traumës. Fatkeqësisht 52-vjeçari Buci nuk mundi të mbijetonte dhe ndërroi jetë. Ndërsa bashkëshortja e tij Merita Buci ndodhet nën kujdesin e mjekëve, jashtë rrezikut për jetën.

 Agim Buci ishte baba i 4 fëmijëve, 3 vajzave dhe 1 djali. Ata që e njihnin e përshkruajtën si njeri të ndershëm dhe punëtor.

Lidhur me këtë ngjarje të rëndë policia e shtetit është vënë në lëvizje. Një grup i posaçëm hetimor nga Drejtoria e Policisë Tiranë, nën drejtimin e Specialistëve të Departamentit të Policisë Kriminale, po punojnë për zbardhjen e ngjarjes.

Janë shoqëruar deri tani 13 persona për t’u marrë në pyetje në lidhje me ngjarjen. Ndërkohë, vijon puna për fiksimin e çdo prove materiale, të vlefshme për zbardhjen e ngjarjes.

Policia e Tiranës ka vënë në dispozicion 500.000 lekë për cilindo që jep informacion të vlefshëm për identifikimin dhe kapjen e autorëve.

Për çdo informacion që do shërbejë për identifikimin e autorëve të kësaj ngjarjeje, policia ka vënë në dispozicion numrin e telefonit 069 41 10 299, duke garantuar ruajtjen e anonimatit. TIRANA TODAY

- Reklama -

Më shumë nga kategoria




Të fundit

Situatë alarmante nga zjarret në Shqipëri

Prej disa ditësh Shqipëria ndodhet e përfshirë nga zjarret, pothuajse në të gjithë territorin e saj. Sipas të dhënave zyrtare nga Agjencia e Emergjencave...

I nxorrën fytit qumështin e dhisë së Karaburunit, kishte shijen e zjarrit

Nga: Lorenc Vangjeli Eqrem bej Vlora ka një përshkrim të jashtëzakonshëm të qelizës njerëzore shqiptare në librin e tij “Kujtime 1885 – 1925”. Evropianoperëndimori fisnik...

Moti bën kthesën e madhe, nesër priten reshje shiu

Nga nesër, gradualisht mbi vendin tonë pritet depërtimi i masave ajrore relativisht të paqëndrueshme, të lagështa dhe më të freskëta me origjinë veriperëndimore. Moti...

Sa na kushton një zjarrvënie!

Nga: Dritan Hila Canadair, Viking, Bombardier jane emrat qe njihen avionët e shuarjes së zjarreve. Kushtojnë nga 35-65 milionë dollarë për njësi. Po kaq kushton...

Ekstradohet nga Greqia ish-anëtari i bandës së Cerrikut

Një ish-anëtar i Bandës së Cerrikut është ekstraduar nga Greqia. Nga Zyra Qendrore Interpol Tirana është kryer ekstradimi i shtetasit Bashkim Buzani, 50-vjeç. Ky...