Ish-kreu i grupit parlamentar të LSI-së, Petrit Vasili ka reaguar në lidhje me deklaratat e qeverisë për të verifikuar titujt shkencorë.
Vasili shprehet se, sipas tij “qeveria e analfabetëve” dëshiron të ndajë titujt shkencorë ashtu siç shpërndan koncesionet dhe tenderat në qeveri.
Ndërsa shton se edhe në sistemin komunist nuk ka ndodhur diçka e tillë.
“Qeveria e analfabetëve, që as shqipen e ministrave të vet nuk qeveris dot, do të ndajë shkencëtaret nga jo shkencëtarët, do të ndaje të diturit nga të paditurit, do të ndajë dijetarët nga gënjeshtarët”, shkruan Vasili.
Postimi i plotë:
Ua ua qeveria e analfabeteve do te verifikoje titujt shkencore ?!
Kryeministri perballe pedagogeve,me kurajon e marrë qe vjen vetem prej padijes se thelle,mbushi bulçite dhe me plot gojen tha:
“Ne do të mundohemi dhe të bëjmë transparencë. Pedagogët e mirë do të ndahen nga ata sharlatanët. Kjo bëhet përmes pikave që ne kemi menduar.”
Qeveria e analfabeteve, qe as shqipen e ministrave te vet nuk qeveris dot, do te ndaje shkencetaret nga jo shkencetaret,do te ndaje te diturit nga te paditurit, do te ndaje dijetaret nga genjeshtaret.
Gjëmë e padegjuar kjo.
Sic ndajne koncesionet dhe tenderat me qeveri ashtu duan te ndajne edhe titujt shkencore.
Edhe ne kohen e partise punes nje budallallek i tille nuk ndodhi kurre, bile ishte e kunderta dhe shteti e partia nuk hyne deri aty.
Reforma me mire qe mund te beje qeveria eshte te fuse ne kurs vehten per te mesuar shqipen, qe e flasin si kemishe e veshur mbrapsht dhe e dyta te mesojne fare pak logjike aq sa niveli i shkolles fillore, se me shume nuk mbajne.
