Tre makina janë djegur mëngjesin e sotëm në zonën e Yzberishtit. Makinat kanë qenë të parkuara në një garazh në rrugën 3 Dëshmorët. Nga hetimet paraprake dyshohet për zjarrvënie të qëllimshme.
Flakët dhe tymi kanë vënë në panik banorët e zonës, të cilët kanë lajmëruar forcat zjarrfikëse. Për shuarjen e tyre janë angazhuar tri zjarrfikëse.
Pas shuarjes së tyre, policia ka filluar veprimet në terren. Fillimisht janë sekuestruar kamerat e sigurisë. Burime nga policia tregojnë se dyshimet e para janë për një zjarrvënie të qëllimshme.
