Aktualitet

Kosova del nga sistemi rregullues energjetik i Serbisë, reagon ashpër Gjuriq


               Publikuar në : 09:35 - 03/12/19 L M

Ditën e djeshme, Operatori i Sistemit të Transmisionit dhe Tregut të Energjisë Elektrike të Kosovës dhe Operatori i Sistemit të Transmetimit të Shqipërisë firmosën marrëveshjen për themelimin e bllokut rregullues të sistemeve energjetike Kosovë-Shqipëri.

Drejtori i zyrës serbe për Kosovën, Marko Gjuriq u shpreh se Serbia është pronare dhe ndërtuese e rrjeteve energjetike në Kosovë, dhe, sipas tij për këtë ka dëshmi të panumërta.

“Një Shqipëri e Madhe energjetike nuk do të ekzistojë kurrë”, tha Gjuriq. Ndërsa shtoi se krijimi i Shqipërisë së Madhe energjetike “zbulon fytyrën e vërtetë shoviniste të politikës në Prishtinë”.

Marrëveshja në fjalë u nënshkrua me dijeninë e Rrjetit Evropian të Operatorëve të Sistemit të Transmisionit për Energji, ndërsa pritet të hyjë në fuqi në prill të vitit 2020.

“Kjo do të mundësojë operimin dhe balancimin më të lehtë të të dyja sistemeve, zvogëlimin e kostove dhe shkëmbimin e rezervave të sistemeve”, thuhet në njoftimin e KOSTT-it.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

Kthehu
WhatsApp Denonco ne TT