Pas publikimit të masave që policia ka marrë në zhvillimin e ndeshjes Tirana-Partizani, ka ardhur reagimi i tifozëve “Ultras Guerrils”.
Përmes një postimi në rrjetet sociale, tifozët e klubit të Partizanit kanë kërcënuar se nuk do të hyjnë në stadium, nëse zbatohet urdhri ku secili prej tifozëve duhet të paraqitet me kartë identiteti.
“Duke mbetur të papërkulur ndaj represionit që sistemi federatë-shtet kërkon të na imponojë! Ndaj, ju bëjmë me dije se asnjë anëtar yni nuk do të jetë prezent në stadium nëse do të kërkohet hyrja me kartë identiteti”, lexohet mes të tjerash në postimin e grupimit të tifozerisë së Partizanit.
