Kryeministri Edi Rama zhvilloi pak më parë një komunikim me kryebashkiakët e zonave të gjelbra, ku nga e hëna do të aplikohen masat lehtësuese për lëvizjen e qytetarëve.
Gjatë këtij komunikimi, Rama ka shkëmbyer edhe disa batuta me kryebashkiakun e Tepelenës, Tërmet Peçin.
Kreu i qeverisë i kërkoi Peçit, që të jetë i kujdesshëm nga e hëna dhe në vijim, për shkak të lehtësimit të masave të kufizimit.
“Ti Tërmet të lutem kujdes se je i lëvizur shumë, duhet të bësh çmos që kjo hapje të mos na turpërojë atje në Tepelenë me historira që pastaj kthehen në zinxhir epidemik, dakord?”, tha Rama.
Ndërsa kryebashkiaku i Tepelenës iu përgjigj: Urdhri jot zbatohet nuk diskutohet, këtu o Tërmet o Corona, s’bëhet fjalë po dëgjo mua, të gjitha fashat e qeverisë janë respektuar me përpikmëri deri më një. Falë Zotit e masave që keni marrë ju nuk kemi asnjë rast, e shpresojmë e nën bekimin e Allahut të mos kemi asnjë rast, Tepelena është model.
