Kontradita të shumta thuhet se ka pasur në takimin e djeshëm mes Kryebashkiakut të Vlorës, Dritan Leli dhe kryeministrit Edi Rama.
Në takimin në fjalë ishin prezent edhe drejtorë të institucioneve lokale.
“Lapsi.al” shkruan se kreu i qeverisë nuk është përmbajtur dot gjatë replikave me Lelin.
Madje ai ka shfaqur edhe shenja agresioni, teksa në nerva e sipër ka hedhur tutje edhe tavolinën.
Me radhë, Rama ka pyetur të pranishmit se çfarë mendimi kanë për Lelin, ndërkohë reagimet kanë qenë negative.
Drejtori i Kulturës mes të tjerash i thotë edhe se Leli e largonte nga Vittorio Sgarbi, ndërkohë që ai kishte udhëzim nga Ministria e Kulturës ta shoqëronte.
“Më nxive faqen në Vlorë, sondazhet më nxjerrin me 30%. Kam hedhur gjithë këto para në Vlorë dhe ti po më shkatërron gjithçka, të mora nga hiçi të bëra njeri”, mësohet t’i ketë thënë kryeministri-kryebashkiakut.
Mandej, Rama i rrëfen edhe atë çka i ka thënë Damian Gjiknuri në lidhje me të: “Unë me Lelin jam humbës në Vlorë, më ço ku të duash në një qark tjetër, jo në Vlorë”.
Raportohet se takimi është thirrur nga Rama pasi Dritan Leli ka refuzuar t’i përgjigjet ankesave të banorëve të Zvërnecit.
Pikërisht për këtë arsye është zhvilluar edhe takimi urgjent, ku kryeministri gjithashtu kërcënoi Lelin me ndërprerje mandati.
Burimi: Lapsi.al
