Rinisja e transportit ndërqytetas, shoferët e autobusëve të irrituar

Transporti Publik Ndërqytetas është rihapur që prej 23 qershorit mirëpo shoferët janë të irrituar për faktin se lëvizjet e qytetarëve janë të pakta, siç shihet tek Terminali Ndërqytetas i Veriut dhe Jugut pranë Kthesës së Kamzës.

Drejtuesit e autobusëve shprehen se kanë udhëtuar me fare pak pasagjerë për në drejtim të Tiranës.

Nga një kapacitet me 20 pasagjerë, mezi kanë gjetur deri në 4 persona.

Mos hapja e transportit urban qytetas, është një faktor që i penalizon si operatorët e transportit ndërqytetas, po ashtu edhe udhëtarët, ndaj nëse qeveria nuk i mbështet, edhe ky i fundit rrezikon të rimbyllet.

Qytetarët e Tiranës vijojnë të jenë të penalizuar pasi transporti urban qytetas nuk është funksional dhe ende nuk ka një datë për rinisjen e tij, shkruan “abcnews.al”.