Kryedemokrati Basha ka lëshuar një deklaratë të fortë mesditën e sotme, ndërsa ka zbuluar ofertën që i ka ardhur nga kryeministri Edi Rama nga ndërmjetësit e tij.
Në deklaratën për media, kreu i PD-së zbuloi se kreu i qeverisë Edi Rama i ka dërguar ndërmjetës, që Basha të bëhet kryeministër, ndërsa kreu i PS të bëhet president i vendit.
Sipas Bashës, në këmbim të kësaj oferte, Rama kërkoi që të hiqen koalicionet parazgjedhore.
Basha shtoi më tej se Ramës nuk i bëhet vonë për popullin, por interesohet vetëm për pushtetin e tij.
“Për një muaj e gjysmë Rama ka dërguar ndërmjetësit e tij me të njëjtin mesazh, ti kryeministër unë president, vetëm të heqim koalicionet. Ramës nuk i bëhet vonë për njerëzit.
Rama merakoset vetëm për pushtetin e tij. Ky ka qenë mesazhi i tij, heqim koalicionet dhe ti kryeministër e unë president. Kështu e sheh Rama politikën, si një pazar i ndyrë”, tha Basha.
