Ish-deputeti i Partisë Demokratike, Oerd Bylykbashi përmes një postimi në rrjetet sociale i drejtohet ministrit të Brendshëm, Sandër Lleshaj se kryeministri Rama ia hoqi spaletat dhe gradën e gjeneralit, duke i hedhur poshtë një karrierë të tërë ushtaraku.
Bylykbashi shprehet se Lleshaj po përdoret nga Rama, dhe sipas tij shumë shpejt do i duhet të gjejë një punë në privat.
“Një gjeneral i mire kundërshton urdhrin e paligjshëm, por ti pranove të heqësh gradat për të zbatuar urdhrat e paligjshëm”, shkruan ish-deputeti.
Postimi i Bylykbashit:
Eh mer Minister Lleshi, si do te ikesh!
Kur Rama te hoqi spaletat dhe graden e gjeneralit per te te bere minister, ti pranove te te hidhnin poshte nje karriere te tere ushtaraku deri ne majat e saj. T’i heqesh gradat nje gjenerali eshte si t’i marresh burrnine. Po ti s’e pate problem mer Minister Lleshi.
Pas kaq zullumesh qe ke bere per llogari te urdheruesit tend ne kurriz te qytetareve qe mbrojne shtepite apo protestojne per te drejtat e tyre, mendo ndonje pune ne privat. Nje gjeneral i mire kundershton urdherin e paligjshem, por ti pranove te heqesh gradat per te zbatuar urdherat e paligjshem. Mos harro, vetem me 6 muaj denim me kusht per zullumet e tua, ty te ndalohet te punosh per te pakten 5 vjet edhe si specialist i thjeshte. Se me buke ne traste nga pas do te na kesh.
