Mbrëmjen e sotme ka ndërruar jetë një tjetër pacient i infektuar me koronavirus. Betejën me COVID-19 e ka humbur një 75-vjeçar, i cili ishte në gjendje të rëndë prej një muaji.
I moshuari me inicialet B.S., ka ndërruar jetë në spitalin “Shefqet Ndroqi”. 71-vjeçari nga Shkodra vuante edhe nga sëmundje bashkëshoqëruese.
“Një pacient 71-vjeçar, i konfirmuar me COVID-19, në gjendje të rëndë prej 1 muaji, me insuficiencë respiratore akute, ka ndërruar jetë në spitalin “Shefqet Ndroqi” mbrëmjen e sotme.
Pacienti 71-vjeçar me inicialet B.S., nga Shkodra, me pneumoni bilaterale, që vuante dhe nga sëmundje bashkëshoqëruese diabet, insuficiencë kardiake, hipertension, anemi kronike, megjithë asistencën e specializuar mjekësore në reanimacionin e spitalit “Shefqet Ndroqi”, nuk arriti të mbijetojë.
Ministria e Shëndetësisë dhe Mbrojtjes Sociale u shpreh ngushëllimet familjeve të të ndjerit, dhe apelon qytetarët t’i respektojnë me shumë rigorozitet masat e distancimit fizik, pasi janë përcaktuese për frenimin e përhapjes së COVID-19.
31 qytetarë nuk e kanë fituar dot betejën me COVID-19, pavarësisht përpjekjeve të stafeve mjekësore të spitaleve COVID”.
