Dy shqiptarë janë arrestuar nga policia italiane në Prato, pasi akuzohen për grabitje në apartamentin e një familjeje kineze.
Sipas mediave fqinje, shqiptarët janë përkatësisht 29 dhe 19 vjeç. Ata u spikatën nga karabinierët, të cilët ishin duke patrulluar në një zonë periferike të Pratos. Në një moment, ata vunë re dy të rinjtë shqiptarë që po tentonin të tërhiqnin një kasafortë të vjedhur, me synimin për ta marrë atë.
Polica ka ndërhyrë menjëherë duke bërë që një prej shqiptarëve të arrestohet në vend, kurse personi i dytë arriti të arratisej. Mirëpo, teksa po kalonte lumin Bisenzio, ai u bllokua në anën tjetër të bregut nga një tjetër patrullë policore.
Sipas autoriteteve vendase, të rinjtë shqiptarë kanë hyrë në apartamentin e kinezëve përmes tubave e më tej në ballkon, më pas brenda në shtëpi.
Shqiptarët kanë gjetur në shtëpi një adoleshent kinez e një të mitur, të cilët i kanë mbyllur në një dhomë. Pas kësaj, ata kanë vjedhur kasafortën.
