Kryeministri Edi Rama ka reaguar në lidhje me propozimet e Partisë Demokratike për rritjen e numrit të testimeve për koronavirusin.
Përmes një postimi në Twitter, Rama ironizon PD duke thënë se “PD s’mund të japë mend as për tabelën e shumëzimit, jo më për strategjinë e testimit”.
Kreu i qeverisë sqaroi se strategjia e testimit është detyrë e Komitetit Teknik, ndërsa detyra e politikës është të dëgjojë ekspertët.
“PD s’mund të japë mend as për tabelën e shumëzimit, jo më për strategjinë e testimit! Strategjia e testimit është detyrë e Komitetit Teknik që udhëheq luftën në vijën e zjarrit. Detyra e politikës, qeverisë a opozitës është të dëgjojë dhe mbështesë ekspertët. Të tjerat janë 7×7=42”, shkruan Rama në Twitter.
Ditën e djeshme, kreu i opozitës, Lulzim Basha i bëri thirrje qeverisë që të rrisë numrin e testeve, pasi vetëm kështu sipas tij mund të ketë një normalizim më të shpejtë të situatës.
